Ginalantaw sang Department of Trade and Industry (DTI) nga mas madamo nga mga trabaho ang nagahulat sa mga Pinoy subong nga tuig.
Ini kadungan man sang pagpabaskog man sang mga paninguha nga masuportahan ang lokal nga mga negosyo kag mas engganyuhon ang foreign investments diri sa pungsod.
Suno kay Trade Secretary Cristina Roque, committed ang DTI sa paghatag sang dugang nga mga trabaho kag oportunidad subong nga tuig paagi sa pagtutok sa key industries samtang ginasigurado nga patas ang practices sa digital marketplace.
“With your continued support and our unwavering dedication, we are confident that 2025 will be another year of growth, innovation and shared success,” pahayag sang tiglikom.
Base sa latest Philippine Statistics Authority (PSA) data, nagnubo ang unemployment rate sa 3.9 percent sang Oktubre halin sa 4.2 percent nga na-rekord sa amo man nga bulan sang 2023.
Ang Board of Investments (BOI) nga attached agency sang DTI ang nag-approve sang record investment pledges nga P1.62 trillion sang 2024 nga lapaw sa initial target nga P1.5 trillion.#
(PNA photo by Robinson Niñal Jr.)
