𝗜𝗟𝗢𝗜𝗟𝗢 𝗖𝗜𝗧𝗬 – 70% na nga handa ang walo ka mga tribu sa Ati Tribes competition sa Iloilo Dinagyang Festival 2025.
Ang 2025 edition sang Dinagyang Festival ang may tema nga “Buhi nga Pagtuo sa Kinabuhi sang mga Ilonggo.”
Ang mga tribu nga nagapasakop sa Dinagyang Ati Tribes competition amo ang:
Tribu Paghidaet sang La Paz National High School,
Tribu Salognon sang Jaro National High School,
Tribu Parianon sang District of Molo,
Tribu Ilonganon sang Jalandoni Memorial National High School,
Tribu Pag-Asa Kang Manduryaw sang District of Mandurriao,
Tribu Hangaway sang Graciano Lopez Jaena Elementary School,
Tribu Molave sang Barangay San Rafael, Mandurriao, kag
Tribu Pan-Ay sang Fort San Pedro National High School.
Sa interview sang Bombo Radyo kay Eric Divinagracia, artistic director sang Iloilo Dinagyang Festival, iya ginpahayag nga ginpatemprano nila ang Opening Salvo agud nga may yara sang malawig nga tyempo ang mga tribu para sa big day.
Suno kay Divinagracia, magapatigayon na sang blocking sa masunod nga semana ang mga tribu antes ang hightlight sa Enero 26.
Nagpahanumdom man ang natungdan sa mga tribu nga magsunod sa mga regulasyon.
Magluwas sa Dinagyang Ati Tribes competition, balantayan man ang Kasadyahan sa Kabanwahanan, Dinagyang ILOmination Streetdance Competition kag Sadsad sa Calle Real.
