Malapit na mahitso ang kasugtanan sang Canada kag Pilipinas agud matugutan ang isa kag isa sa pagpadala sang tropa-militar sa pungsod sang kada isa.
Suno kay Canadian ambassador to Manila David Hartman, ini ang magapadalom pa sang kooperasyon sa tunga sang duha ka nasyon kag maga-establisar man sang mas substantive participation sa pag-ensayo para nga mapaayo pa gid ang kapasida.
Nagalaum ang envoy nga matabo ang pirmahanay kag ang ratipikasyon sang kasugtanan sang duha ka gobyerno antes magtakop ang 2025.
Sang nagligad nga bulan, may diskusyon ang Canadian kag Filipino officials halin sa Department of National Defense (DND) kag Department of Foreign Affairs (DFA).
Kun may yara na sang agreement, mahimo na makaupod ang Canadian troops sa dalagku nga joint military exercises nga tuigan nga ginahimo sang Pilipinas kag US.
Nahibaluan nga may yara na sang visiting forces agreement ang Pilipinas kaupod sa US kag Japan, kag subong gina-istorya man ang France kag ang New Zealand samtang padayon naman ang China sa mga pagpang-garit-garit sini sa West Philippine Sea.
