Siyam na lang ang nabilin nga aktibo nga miyembro sang New People’s Army (NPA) sa bug-os nga Panay pagkatapos magsungka ang isa ka rebelde nga lider sa Camp Monteclaro sa Barangay Igtuba, Miag-ao, Iloilo, sang Oktubre 11.
Ginkilala ang rebelde nga si Dandan, 47-anyos.
Siya ang anay finance kag logistics officer sang nabungkag nga Puregold Platoon sa idalom sang Southern Panay Front sang Komiteng Rehiyon-Panay.
Gin-turn over niya ang 12-gauge Akkar Charles Daly shotgun kag tatlo ka live cartridges.
Narekober man sang Philippine Army ang iban pa gid nga mga armas kag eksplosibo matapos gintudlo sini kun diin nila ini gintago nga parte sang Bucari, Leon.
Suno kay Lieutenant Colonel Jekyll Julian D. Dulawan, sa subong, yara na sa ila kustodiya si alyas “Dandan” kag ipaidalom sa debriefing.
Magapadayon naman ang militar sa pagkoordinar sa mga ahensya sang gobyerno kag lokal nga komunidad agud mapasungka na ang iban pa nga rebelde.
Text by: Bombo Shaine Toleran
