Gindakop sa isa ka entrapment operation ang isa ka aspirant sa pagka-gobernador sa probinsya sang Guimaras.
Ini amo si Margarita “Maggie” Cacho.
Suno kay PCapt. Ross Obejas, hepe sang Sibunag Municipal Police Station, magluwas kay Cacho, gindakop man ang duha ka personnel sang Philippine Coast Guard kag isa ka ginapahayag nga secretary ni Cacho.
Suno sa otoridad, may kaangtanan sa ginaalegar donasyon para sa eleksyon ang ginhimo nga transaksyon sang involved nga mga indibidwal.
Nakahunong subong sa Sibunag PNP ang nasambit nga mga indibidwal.
