Nagsugtanay ang Russia kag Ukraine nga temporaryo anay nga pauntaton ang inaway sa lugar sang Oleshky, isa ka lugar sa Southern Ukraine nga kontrolado sang Russia.
Maga-umpisa ang ceasefire sa Oktubre 27.
Ini agud nga makadul-ong sang mga humanitarian aid kag ma-evacuate ang mga sibilyan sa safe nga lugar.
Base sa report, kabahin sa nagtinguha nga malab-ot ang kasugtanan si US First Lady Melania Trump.
Lakip sa mga plano amo ang bulig nga makadul-ong sang pagkaon, bulong kag paglimpyo sang mga kalsada halin sa landmine kag pag-evacuate sa mga residente nga nagakinahanglan sang gilayon nga bulig.
Samtang, ginpahayag ni Ukrainian President Volodymyr Zelenskyy nga ginalauman nga makig-hinun-anon sila sa first half sang Nobyembre sa mga negosyador halin sa Ukraine, Russia kag Estados Unidos sa Abu Dhabi ukon Switzerland.
Ini agud nga talakayon pa ang possible nga pagtapos sang gyera.
Nahibaluan nga nagbayluhanay ang duwa ka pungsod sang tag- 270 ka mga suldado bilang kabahin sang kasugtanan ang paghilway sang mga bihag.
Padayon naman nga ginapunto ni Zelensky ang mga kinahanglanon sa mapag-on nga garantiya sa seguridad para sa Ukraine bilang kabahin sang anuman nga kasugtanan para sa kaayuhan.
