Nagpangabay ang Prosecution team sa International Criminal Court (ICC) nga batunon bilang ebidensya ang isa ka expert report kag ang mga nahauna nga testimoniya sang tatlo ka witness sa kaso nga crimes against humanity batok kay anay President Rodrigo Duterte.
Suno sa prosekusyon, may kaangtanan ang mga materials sa mga ginapahayag nga pagpatay kag mga operasyon nga ginkaulamiran sang mga kapulisan.
Ginpangabay man nila nga panubuan ang pagpamangkot sa mga eksperto agud nga mapadasig ang trial, samtang nagapabilin ang kinamatarong sang mga depensa nga kwestyunon ang mga testigo.
Wala pa sang desisyon ang ICC sa nasambit nga mosyon.
Nakatalana naman ang ulihi nga status conference sa Nobyembre 2, samtang maga-umpisa naman ang trial kay Duterte sa Nobyembre 30.
Nahibaluan nga nagapangatubang sa mga kaso nga crimes against humanity may kaangtanan sa extrajudicial killing sang tyempo nga siya pa ang Presidente sang Pilipinas kag alcalde sang Davao City.
