Nagpatigayon sang labing una nga overseas investment ang Social Security System matapos nga mag-invest sang 200, 000 US dollar sa US government Treasuries.
Suno sa SSS President kag CEO Victor Limlingan, target sang ahensiya nga pasangkaron ang overseas investments sini tubtob 5% sang Investment Reserve Fund pag-abot sang 2027.
Naglab-ot sa ₱1.3 trilyon ang investment portfolio sang SSS sa ikatatlo nga quarter sang 2026, samtang naka-record naman ini sang masobra 62 bilyon pesos ang kita sini sa una nga siyam ka bulan sang tuig.
Samtang, gin-report sang Commission on Audit nga naglab-ot sa halos ₱40 bilyon ang paper losses sang SSS sadtong 2025, gani gina-prayoridad subong ang mga tikang agud nga maprotektahan ang pondo.
Sa baylo nga ibaligya ang mga investment kun may manubo ini nga balor, tuyo sang ahensya nga mag-gamit sang sistema nga ginabusisi anay sang mga eksperto ang sitwasyon antes nga magdesisyon.
