Hugot nga ginpakamalaot ni Pope Francis ang immigration crackdown ni US President Donald Trump.
Sa isa ka tumalagsahon nga open letter sa Catholic Bishops sang America, ginsiling ni Pope Francis nga ang pag-criminalize sa mga migrants kag ang mga tikang nga nagagamit sang pwersa batok sa ila ang magatakop sa kalainan.
Suno sa Pope nga una na gintawag nga “disgrace” ang plano ni Trump nga i- deport ang minilyon nga mga migrants, dako nga sala nga i-assume nga ang tanan nga undocumented immigrants ang mga kriminal.
Humalin sang 2013, nangin kritikal ang santo papa sa immigration policies ni Trump.
Sang 2016, sa una nga White House campaign ni Trump, ginsiling sang Pope nga indi Kristiyano nga buluhaton ang pagtrato ni Trump sa isyu sang immigration.
Gintawag naman sini nga “major crisis” para sa US ang polisa ni Trump.
Sa amo nga sulat, apisar indi direkta, apang kaangay nga nagapatuhoy man ini sa pagdepensa ni Vice President JD Vance sa deportasyon.
Matandaan nga ginpahayag ni Vance nga isa man ka Katoliko, nga ang konsepto sang simbahan nga “ordo amoris”, ukon “order of love”, nagasuhestiyon nga ang mga Katoliko ang dapat maghatag prayoridad sa mga non-immigrants.
Suno sa santo papa, ang matuod nga pagpalangga ang wala nagapili sang bisan sin-o.
