Tuman ang natuga nga kahadlok sang isa ka lalaki sa mga tawo sa sulod sang bangko nga iya ginhold-up kag may ginauyatan ini nga pusil apang naputos sa itom nga plastic.
Natabo ini sa Gijang Busan, South Korea.
Sa kuha sang cctv, nagsulod sa bangko ang suspek nga may tabon ang nawong kag may dala nga attache case.
Sunod ini nga nagdeklarar sang holdap kag gintayaan sang pusil ang mga tawo.
Apang may isa ka lalaki nga nagpangisog nga atakehon ang suspek gani iya ini gindumog kag nagbulig man ang iban nga tawo.
Sang nag-abot ang otoridad, didto na ginlantaw ang pusil kag ginkakibot sang tanan nga isa lamang ini ka water gun nga may disenyo nga dinosaur.
Yara na sa kustodiya sang pulis ang 30-anyos nga suspek.
Hatagan naman sang pagkilala ang customer nga nangisog agud dumugon ang holdaper.
