Nakit-an ang tatlo ka mga barko sang China Coast Guard (CCG) sa distansya nga 35 nautical miles ukon 65 kilometros halin sa El Nido, Palawan.
Base ini sa gin-report ni former US defense attaché kag maritime security expert Raymond Powell.
Ginpahayag nga halin ang mga barko sa Scarborough Shoal kag nagkadto sa El Nido kahapon sang aga. Sa punta ini sang ila ginatawag nga nine-dash line nga wala man ginakilala sang Permanent Court of Arbitration.
Pahayag sini, makatulublag ang panibag-o nga pagpakita-pwersa sang China nga kabahin sang ila tuyo nga panindugan ang pag-claim sa teritoryo sang Pilipinas.
Indi ini kinaandan suno sa iya bangud masami nga tag-isa ukon duha lang ka barko ang ginapadala sang China gani nagapati ini nga may particular nga mensahe nga dala ang amo nga Chinese ships.
“Usually, they go sort of one or maybe two at a time, so taking three ships is sending a particular message of strength,” suno kay Powell.
Natabo ini isa ka semana matapos nakit-an man ang isa sa pinakadaku nga Chinese research vessel nga malapit man sa Palawan. Sang amo nga tion, nagrason ini nga naglain ini sang ruta bangud sa malain nga panahon.
