Ginkakibot ni Iloilo City Lone District Representative Julienne Baronda nga may suspension sang klase sa mga day care centers sa Iloilo City subong nga adlaw kadungan sang iya pagpanagtag sang packed meals para sa kabataan kahapon, Pebrero 19, bilang kabahin sang iya birthday celebration.
Sa interview sang Bombo Radyo kay Rep. Baronda, iya ginpahayag nga sang Martes sang gab-i pa lang, may nabaton na siya nga impormasyon nga gin-anunsyo ang mga klase sa day care centers bangud ang iban ang may yara sang meeting subong nga adlaw.
Suno kay Baronda, sa iya pagkahibalo, halos tanan nga day care center sa tanan nga barangay sa syudad ang nagkansela sang klase.
Sa pihak sini, nadayon sa gihapon ang pagpanagtag sang pamahaw sa kabataan kun sa diin sa gymnasium kag sa gwa sang day care centers na lang ginpatigayon ang ila aktibidad.
