May yara na ang Venezuela sang mangin pinakauna sini nga santo matapos nga gin-canonize ni Pope Francis ang isa ka physician nga napatay masobra 100 ka tuig na ang nagligad.
Ini amo si Jose Gregorio Hernandez nga nabun-ag sang 1864, nagtuon sa Paris, Berlin, Madrid kag New York, kag napatay sa Caracas sang 1919 matapos mabungguan sang salakyan.
Siya ang ginadayaw bangud sa iya selfless service sang tion nga may yara sang pandemya.
Una siya nga gin-beatify sang 2021 sa tunga sang nagatimbuok nga kaso sang coronavirus sa Venezuela, isa ka siglo matapos siya ang ginkilala bilang “doctor of the poor” nga nagatatap sa mga pasyente sang tion sang isa ka major global pandemic, ang Spanish flu.
Ang iya beatification ang nangin posible matapos nga ang isa ka milagro nga naangot sa iya ang ginkilala sang simbahan.
Ini amo ang pag-ayo sang 10 ka tuig nga bata nga babaye nga naigo sang bala sa ulo sang 2017.
Ginsiling sang mga doktor nga imposible nga maulian ang bata apang nangamuyo ang iya iloy kay Hernandez kag nag-ayo ini.
Gin-aprubahan ni Francis ang canonization ni Hernandez kag iban pa nga bag-o nga saint gikan sa iya hospital bed sa Rome, kun sa diin siya ang ginabulong bangud sa double pneumonia.
Kasunod sang approval sang santo papa, ang canonization masami nga gina- formalize sa isa ka special mass bilang pagkilala sa bag-o nga santo.
