ILOILO – Naga-umpisa na ang mga banwa sa Iloilo sa paghimo sang mga eco-friendly bags, wallets, pouches, kag cellphone cases gamit ang mga ginpangbaklas nga election campaign materials.
Sa interview sang Bombo Radyo kay Mitzi Peñaflorida, Senior Environmental Management Specialist, iya ginpahayag nga ang nasambit nga inisyatibo ang kabahin sang “Limpyo Eleksyon.”
Suno kay Peñaflorida, katuyuan sang nasambit nga inisyatibo amo nga matudluan ang publiko nga sa pag-upcycle sang mga waste materials kag ma-phase out ang mga single-use plastics sa merkado.
Santo sa Executive Order No. 265, gina-engganyo ni Iloilo Governor Arthur Defensor Jr., ang mga kandidato political parties, party-list organizations, kag iban pa nga grupo nga nagapasakop sa kampanya nga i-dispose sang insakto ang mga campaign materials.
Matandaan nga sang 2022 elections, nakatipon ang Provincial Government Environment and Natural Resources Office (PGENRO) sang 14,886.075 kilograms ukon 14.8 ka tonelada sang nabasura nga election campaign materials sa 42 ka mga banwa kag sa Passi City.
Sa nasambit nga mga campaign materials, 7,180.5 kilograms sang tarpaulins ang mahimo i-upcycle.
-𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗟𝘆𝗻𝗱-𝗖 𝗝𝗼𝘆 𝗕𝗮𝗱𝗲
