Patay ang 46 ka mga tawo sa pagtibusok sang military aircraft sa Sudan.
Ginakabig na ini subong nga isa sa pinakamaka-mamatay nga crash sa amo nga pungsod sa northeastern Africa sa nagligad nga duha ka dekada.
Natabo ang pagtibusok sang Antonov aircraft sa isa ka residential area sa Omdurman kun sa diin magluwas sa mga napatay, may 10 man nga napilasan.
Nagkalaguba man ang pila ka mga balay sa Karrari district of Omdurman.
Suno sa military sang Sudan, nalakip ang armed forces personnel kag mga sibilyan sa casualties. Nalakip man ang senior military officers kag aircraft crew.
Ginapahayag nga pakadto ang aircraft sa Red Sea city of Port Sudan kun sa diin nahamtang ang military-backed government.
Nahibaluan nga pigado ang aviation record sang Sudan. Sang 2020, patay man ang 16 ka mga tawo sa pag-crash sang military plane nga Russian Antonov An-12 sa western region of Darfur. Sang 2003, may civilian Sudan Airways plane man nga nagtibusok kun sa diin 116 ang patay kag isa ka bata nga lalaki lamang ang nakaluwas.
