Nag-inspeksyon kag naghatag sang assessment si President Ferdinand Marcos, Jr., sa narumpag nga Cabagan-Santa Maria Bridge sa Isabela.
Suno sa presidente, ang desinyo mismo sang taytay ang may problema kag dapat nga manabat.
‘This is a design problem,” pahayag ni Marcos.
Apang suno sa presidente, ang prayoridad sa subong amo nga mahatagan sang solusyon ang problema kag indi ang pagpangbasol.
“Fix the problem, not the blame,” dugang pa sang presidente.
Ginpasalig man sini nga sa tion nga makaayo, mabalik sa daan sini nga structure ang taytay.
Ang nasambit nga taytay ang may kabug-usan nga kalabaon nga 990-metros.
Nagsugod ang konstruksyon sini sang 2014 nga may budget nga masobra P1.2 billion.
Ang nasambit nga taytay ang wala pa nagamit sang publiko matapos nakumpleto ang konstruksyon sini.
Matandaan nga narumpag ang taytay sang Pebrero 27 matapos naglabay ang
dump truck nga nagresulta naman sa anom ka pilason.
Suno sa Department of Public Works and Highways, ang taytay ang sarang lang nga makadala sang 44 ka tonelada nga salakyan, nga tuman kalayo sa kabug-aton sang truck nga nagadangat sa 100 ka tonelada.
