Ginpamatud-an sang isa ka manunudlo nga masarangan sini nga mangin madinalag-on sa iya kabuhi sa pihak sang mga pagtilaw nga naagyan sini sa kabuhi.
Ini amo si Andrea Panagane, 27, residente sang Barangay Hipgos, Lambunao, Iloilo.
Sa interview sang Bombo Radyo kay Panagane, iya ginpahayag nga sang naga-edad ini sang lima ka bulan, napatay na ang iya amay kag ginbayaan naman ini sang iya iloy sang naga-edad ini sang duha ka tuig.
Suno kay Panagane, ginpadako siya sang iya lolo kag lola sa Barangay Panuran sa nasambit nga banwa.
Sang 2nd year high school ini, nagtaliwan ang iya lola kag napatay naman ang iya lolo sang 2nd year college ini.
Sa pihak sang kapigaduhon, nagakatapos si Panagane sa pagtuon kag sa bulig sang iya adviser kag mga himata, naka-enroll siya sa kurso nga education sa West Visayas State University – Lambunao Campus.
Bangud sa iya dedikasyon kag kapisan, nakatapos siya sa iya kurso kag nangin isa ka manunudlo.
Sa subong, nagatudlo na si Panagane bilang senior high school teacher sa Caninguan National High School sa Lambunao, Iloilo.
