Lauman ang pagpaguwa sang red ukon yellow alerts sa summer months sa Pilipinas.
Pahayag ini sang National Grid Corporation of the Philippines (NGCP) bangud sa mga indi planado nga outages sa mga planta nga nagaapekto gid sa power supply.
Suno kay NGCP spokesperson Cynthia Alabanza, indi madula ini nga “worst-case” scenario ilabi na kun madamo gid nga power plants ang maka-eksperyensya sang unexpected shutdowns.
Sa yellow alert, malab-ot pa man sang power supply ang demand, apang matabo gihapon ang brownouts bilang resulta kun mag-breakdown ang planta.
Kun sa red alert naman, indi na bastante ang suplay agud nga ma-meet ang demand, kag matabo gid ang brownout kun indi ma-manage ang demand.
Indi man subong mahambal sang grid operator kun ano gid ang extend kag kalala ang alerts bangud lakip pa ini sa ginadiskusyunan kaupod sa Department of Enery.
Marso 5 sang gindeklarar sang NGCP ang yellow alert sa Luzon grid nga amo ang una nga alert nga napaguwa subong nga tuig.
Padayon subong ang pag-assess kag pag-adjust sa power outlook sang NGCP kag DOE matapos nakit-an ang surge sa demand.
Base sa data, ang power demand subong nga tuig ang mahimo magsaka sa 5.4 percent tubtub sa 14,769 megawatts (MW) sa Luzon; 16 percent tubtub sa 3,111 MW sa Visayas; kag 8.2 percent tubtub sa 2,789 MW sa Mindanao.
