Nagdepensa si Criminal Investigation and Detection Group (CIDG) chief Major General Nicolas Torre III matapos gin-alegar sang iban nga wala nahatagan sang iya kinahanglanon si former president Rodrigo Duterte sang ginkustodiya ini sa Villamor Air Base sang nagligad nga Martes.
Suno kay Torre, wala gindalukan sang abogado, bulong, kag pagkaon ang former president.
“Wala pong deprivation at any moment ng kanilang right to food and water. In fact, dinedeliver pa nga namin e, and they are just the one declining na lang dahil sobra naman ang pagkain talaga e,” suno sa Major General.
“Sobra namang dami; May delivery sila, may pabigay din kami so there’s really no problem, and hindi tama ang contention na dineprive namin ng food,” dugang sini.
Ini nga paathag ang kasunod sang ginsiling ni Veronica ”Kitty” Duterte sa iya na-expire na subong nga Instagram story nga wala gintugtan sang otoridad ang iya amay nga makakuha sang medical attention sang gin-aresto ini sa NAIA kag gindala sa Villamor Air Base.
Ginsiling man sang bata sang former chief executive nga iligal sila nga gin-detain sa 250th Presidential Airlift Wing headquarters sa sulod sang base.
Kaangot diri, nag-sorry pa si Torre sa publiko bangud naghatag sila sang “special treatment” kay Duterte bisan nga indi na ini presidente sang Pilipinas.
“Pasensya na po kayo, talagang napakalaking special treatment ang ibinigay natin sa former president Duterte. Para wala ng gulo at mapagbigyan ang lahat ng kaniyang kahilingan,” suno sa iya, nga nagmensyonar pa sang nangin pulungkuan ni Duterte nga presidential chair suno sa iya. “Kaya pagpasensyahan po ng kababayan nating Pilipino na might be agreed on that special treatment given to him. Pasensya na po kayo at ito ay kailangang gawin para ang ultimate objective ay magawa natin—which is to bring him to the International Criminal Court.”
