Magaimplementar sang ‘heat stroke break’ ang Iloilo City Traffic Transportation and Management Office (TTMO) sa ila katapo kasunod sang nagataas nga heat index sa syuadad.
Sa interview sang Bombo Radyo kay Ret. PCOL. Uldarico Garbanzos, head sang Traffic Transportation and Management Office, iya ginpahayag nga ginapanan-aw na nga daan sang talatapan ang pagtaas sang heat index sa pagsulod sang ‘summer season’ sang pungsod.
Naga-implementar ang talatapan sang amo nga tikang agud nga malikaw ang traffic enforcers sa heat stroke ukon heat related incidents.
Suno kay Garbanzos, vulnerable ang mga enforcers sa nasambit nga balatian bangud man sa inoras nga nagatrabaho sila sa tunga sang nagatagiti nga init.
Gin-athag man sang natungdan nga nagapatuman sila sang ‘per shift’ kon sa diin, sugod alas-6 sa aga tubtob alas-2 sang hapon, may shifting sa ila pwesto.
Ginpasigurado man sini nga on duty ang enforcers sa tion sang rush hour.
