Nagapati ang Chairman sang Committee on Women and Family sa Iloilo City Council nga dako ang responsibilidad sang mga ginikinan sa pagpahangop sa ila mga kabataan sang mga butang nga indi dapat nila pag-ubrahon.
May kaangtanan ini sa nagluntad nga insidente kun sa diin nadakpan ang mga pamatan-on nga nagahimo sang kamala-malahan sa La Paz Cemetery.
Sa interview sang Bombo Radyo kay Councilor Frances Grace Parcon, iya ginpahayag nga importante nga mahibaluan sang mga kabataan ang resulta sang mga desisyon nga ginpanghimo nila.
Suno sa konsehal, nakatalana ini makig-angot sa City Social Welfare and Develeopment Office kag Department of Social Welfare and Development Office agud maistoryahan ang mga interventions nag mahimu mapatuman.
Ginplastar man niya ang importansya sang sex education agud matudluan sang insakto nga ihibalo ang mga kabataan sa mga bagay nga indi nila dapat pagbuhaton.
