Ginabantayan na subong sang mga personnel sang Iloilo City Traffic and Transportation Management Office ang area sang esplanade 4 nga sakop sang Barangay Dungon A,Jaro, Iloilo City.
Kasunod ini sang ginaalegar nga ginahimo ini nga parking area kag may yara pa sang natabo nga park shot sa lugar kag nakuhaan pa sang letrato ang salakyan kag ang involved nga mga indibidwal.
Sa interview sang Bombo Radyo kay retired Police Colonel Uldarico Garbanzos, pinuno sang opisina, iya ginpahayag nga nagpakig-angot man sila sa barangay officials sang Dungon A agud nga bantayan ang esplanade.
Suno pa sa iya, sa tion nga magdamo na gid ang tawo sa lugar, maga-deploy man sila sang green guards agud mapabilin nga matawhay kag matapna ang kaangay nga aktibidad sa area.
Ginsulit naman ni Garbanzos nga hugot gid nga ginadumilian ang pagpark kag pag-inom sa tanan nga esplanade sa syudad.
