Nakig-simpatiya si President Ferdinand ‘Bongbong’ Marcos, Jr. sa mga pamilya sang mga Pilipino nga apektado sang gin-arado sang isa ka sports utility vehicle (SUV) ang mga Pilipino nga nagtambong sa Lapu Lapu Day Festival sa Vancouver, Canada nga nagbilin na sang 11 ka patay kag masobra 20 ka pilason.
Suno kay Marcos, sa ngalan sang gobyerno sang Pilipinas, ginapalab-ot niya kag ni First Lady Liza Marcos ang ila nga pagpakig-unong sa bug-os nga Filipino community sa.
“I am completely shattered to hear about the terrible incident during a Lapu Lapu Day Block Party in Vancouver, BC, Canada,” suno sa punong ehekutibo.
“On behalf of the Philippine Government and the Filipino people, Liza and I would like to express our deepest sympathies to the families of the victims and to the strong and thriving Filipino community in Canada,” dugang sini. “We are one with the families of the victims and the Filipino community in Vancouver during this difficult time.”
Gindugang sini nga naga-obra na ang Philippine Consulate General sa Vancouver agud mapasiguro ang imbestigasyon sa insidente kag agud nga mahatagan sang suporta ang mga biktima kag ila pamilya.
Sa separado sini nga statement, nagpahayag ang presidente: “On a day meant to honor the courage of Lapu-Lapu, our kababayans in Vancouver became victims of an unspeakable tragedy. As your President, and as a father, I share in your grief and your anguish. These lives will not be forgotten.”
Sa statement naman sang Department of Foreign Affairs (DFA), ginsiling nga handa ini kag ang Philippine Consulate General nga maghatag sang nagakaigo nga assistance, kag magasuporta man sa Canadian authorities sa imbestigasyon.
Ang ginaselebrar kuntani sang mga Pilipino nga Lapu Lapu Day ang nagadumdom sa kaisog ni Lapu Lapu, ang Pilipino nga baganihan nga nagpanguna sa paglutos kay Portuguese explorer Ferdinand Magellan sa isa ka away sang 1521.
