Nagpadala sang mga personnel ang Pilipinas sa Sandy Cays malapit sa Pag-Asa Island sa Kalayaan Island Group para sa “Inter-Agency Maritime Operation.”
Suno sa National Task Force – West Philippine Sea (NTF-WPS), isa ini ka koordinasyon sang Philippine Navy, Philippine Coast Guard, kag Philippine National Police-Maritime Group.
Ginhimo ini kahapon sang aga, Abril 27, kasunod sang ginapalapta nga reports nga na-claim na sang China ang Sandy Cay. Nag-post man anay ang China state broadcaster nga CCTV sang mga laragway sang ila coast guard nga naga-uyat sang Chinese flag sa isa sa cays.
Suno naman sa task force, ang operasyon sang Pilipinas ang isa ka routine and lawful exercise sang maritime domain awareness kag jurisdiction sang Pilipinas sa West Philippine Sea.
Nakit-an sa mga laragway nga dala sang mga Filipino personnel ang hayahay sang Pilipinas sa Sandy Cays 1, 2 and 3 agud ipakita ang hurisdiksyon sang Pilipinas baliskad sa gina-claim sang Beijing.
“The NTF-WPS underscores that this operation reflects the unwavering dedication and commitment of the Philippine Government to uphold the country’s sovereignty, sovereign rights and jurisdiction in the West Philippine Sea,” suno sa NTF-WPS.
“The Armed Forces of the Philippines, together with partner agencies, remain committed to upholding national sovereignty, protecting the country’s maritime domain, and asserting our lawful rights in accordance with international law,” pahayag naman sang AFP.
Ang Pag-asa island amo ang pinakamalayo nga island territory sang Pilipinas kag nahamtang lapaw na sa exclusive economic zone sang pungsod ukon masobra 200 nautical miles halin sa baseline.
Ang cays close malapit sa Pag-asa ang masami man ginaawayan sang China kag Pilipinas ilabi na kun may Filipino missions (pati na ang iya sang civilian scientists) nga gina-harass sang mga Chinese.
