Nangibabaw na naman ang talento kag maduagon nga imahinasyon sang Filipino designers amo man ang kultura sang Pilipinas sa ginpatigayon nga national costume showcase nga Miss Universe Philippines 2025.
Duha sa sini nga designers ang halin sa Iloilo samtang ang ila masterpieces naman ang ginsuksok man sang duha ka Ilongga nga sanday Karen Nicole Piccio kag Angeline Kailani.
Si Kailani nga tiglawas sang Iloilo Province ang nagsuksok sang creation ni Ruffy Itaas nga inspired sa folklore nga “Apoy ni Santelmo.”
On fire kaangay sang firebeast ang performance ni Angeline samtang ginalakat sini sa stage ang recycled water bottles nga naadornahan sang gemstones.
“Santelmo is a mythical ball of fire of a lost soul died from a tragic death. Now, with Angeline Cordero Kailani – one woman rising, not from ash, but from burning purpose. This legendary Santelmo becomes more than a tale – it becomes a voice. This national costume burns not to consume, but to illuminate the passion and strength of a more empowered woman,” kabahin sang caption ni Itaas.
Si Tata Blas Pinuela naman ang designer sang costume ni Piccio sang Iloilo City nga inspired sa “Nuno sa Punso.”
Tribute man ini sa Ilonggo folktales, mga pagpati kag istorya. Naggamit ini sang colored cloths bilang base sang bungsod, may wood beads, rhinestones kag crystal beads, nga gindugangan pa sang uhong, bato, kag wood stems.
“A nuno sa punso is a dwarf-like nature spirit in Philippine mythology especially to Iloilo Province. It is believed to live in an anthill or termite mound, Bungsod or Punso. The Nuno sa Punso is a neutral supernatural being. Sometimes they help humans but in some few cases they curse them if their home is destroyed,” kabahin naman sang description ni Pinuela.
Antes sa event, may yara sang charity gala kun sa diin lakip sa attendees amo sanday Miss Universe Victoria Kjaer Theilvig kag ang iya continental queens nga sanday Miss Universe Africa and Oceania Chidimma Adetshina, Miss Universe Americas Tatiana Calmell, Miss Universe Europe and Middle East Matilda Wirtavouri, kag Miss Universe Asia Chelsea Manalo.
Natapos naman sang nagligad nga gab-i ang preliminaries kun sa diin featured ang 66 delegates sa swimwear kag evening gown.
Buwas na ang finals night sa Mall of Asia Arena.
(Photos: Tata Pinuela and Mark Caceres Studios via Ruffy Itaas/FB)
