Napilian ang anay Miss Universe 1969 nga si Gloria Diaz bilang isa sa mga judge sa ikaduha nga edisyon sang MGI All Stars.
Gin-anunsyo ini paagi sa social media sang organisasyon, kun sa diin ginpakilala si Diaz bilang labing-una nga Filipina nga nagdaog sang Miss Universe crown kag isa ka award-winning actress.
Nahibaluan nga ginsuguran ang MGI All Stars sang una nga edisyon sini sa Thailand sang Mayo 30, kun sa diin nagdaog ang representante sang Colombia nga si Vanessa Pulgarin.
Samtang, natalana nga ipatigayunon ang coronation night sang ikaduha nga edisyon sa Disyembre 12.
Sa matandaan nga nagsulat sang kasaysayan si Diaz sang Hulyo 19, 1969 matapos nga mangin una nga Filipina nga nagdaog sang Miss Universe title sa Miami Beach, Florida.
