Gin-deploy ang 29 ka mga police personnel sang Police Regional Office (PRO) 6 sa Bangsamoro Autonomous Region in Muslim Mindanao (BARMM) para sa Mayo 12, 2025 national and local elections.
Sa sini nga numero, apat ang naghalin sa Aklan Police Provincial Office (PPO), anum sa Capiz PPO; duha sa Guimaras PPO ;11 sa Iloilo PPO; duha sa lloilo City Police Office kag apat naman ang naghalin sa Antique PPO.
Ini nga mga personnel ang magaserbe nga Special Electoral Board members.
Suno kay PRO 6 Director Police Brigadier General Jack Wanky, ini ang pinakauna nga tion sa kasaysayan sang eleksyon nga ang Western Visayas regional office nagpadala sang augmentation sa iban nga rehiyon. Dugang sini, ini ang kinahanglanon man para sa serbisyo sa amo nga lugar.
Nagpahanumdom man si Wanky sa mga pulis nga sa ila pag-augment sa Mindanao, ginadala nila ang pangalan sang PRO 6 gani ipakita nila ang tampad kag sinsero nga pagserbisyo.
(Article: Bombo Hanna Andasa)
