Maganubo sa ikaduha nga sunod-sunod nga semana ang presyo sang produktong-petrolyo.
Base sa anunsyo sang fuel firms, mabuhinan sang P0.30 ang presyo sa kada litro sang gasoline; P0.90 kada litro sang diesel; kag P1.25 sa kada litro sang kerosene.
Mangin epektibo ang adjustments umpisa alas sais buwas sa aga, Mayo 13.
Nauna na nga ginpahayag sang Department of Energy – Oil Industry Management Bureau (DOE-OIMB) nga may rollback kasunod sang desisyon sang Organization of the Petroleum Exporting Countries (OPEC) nga pasakaan ang production levels sa Hunyo.
Ginplastar man nga factor sa adjustment sa prsyo ang wala kasiguruhan sa resulta sang trade talks sa tunga sang United States kag China.
Sang nagligad nga semana, matandaan nga may P0.55 nga rollback sa gasoline, P0.65 sa diesel; kag P0.90 sa kerosene.#
