Opisyal na nga nagsugod sang pagpanghanda para sa Barangay and Sangguniang Kabataan Elections (BSKE) ang Commission on Elections (Comelec) nga natalana sa Disyembre 1, 2025.
Ginpasalig ni Comelec Chairman George Erwin Garcia sa publiko nga sa palaabuton nga eleksyon nga makakita sang major improvements, nga giyahan sang mga leksyon nga natun-an sa mga nagligad nga electoral exercises.
Ginkumpirmar man ni Garcia nga madayon ang eleksyon sa Disyembre 1, 2025, magluwas lang kon magpasar sang kasuguan ang Kongreso nga i-suspender ini.
Ang mga pagpanghanda karon nagapadayon, nga ginamarkahan sang pagpirma sang isa ka Memorandum of Agreement (MOA) sa tunga sang mga nagapasakop nga mga ahensya kag mga stakeholders.
Dugang pa, ang voter registration period para sa BSKE magabukas liwat sa Hulyo 1 tubtob Hulyo 11, samtang ang pag-file sang Certificate of Candidacy (COC) ang natalana sa Oktubre 1 tubtob 7.
Ang opisyal nga election period ang magasugod sa Oktubre 27 tubtob Disyembre 31, kag ang campaign period ang natalana sa Nobyembre 20 tubtob 29, nga nagadul-ong sa adlaw sang eleksyon sa Disyembre 1.
Gin-ako sang Comelec nga ang BSKE magalakip sang ‘manual nga pag-isip sang boto,’ nga posible magtuga sang logistical challenges.
