Naglab-ot na sa 56 ang nabalhag nga road crash incident sang Iloilo Police Provincial Office (IPPO) sa Iloilo nga involve ang mga menor-de-edad.
Sa interview sang Bombo Radyo kay Police Major Rolando Araño, Spokesperson sang Iloilo Police Provincial Office (IPPO), iya ginpahayag nga ang nasambit nga numero ang na-record sugod sang Enero tubtob Mayo 19, 2025.
Suno kay Araño, naga-edad sang 12 tubtob 17-anyos ang mga menor-edad nga nalakip sa road crash incident.
Sa edad nga dose, may yara sang na-record nga 1; sa 13-anyos may yara sang tatlo, sa 14-anyos may yara sang 6, samtang sa 15-anyos ang may yara sang 11; may yara naman sang 14 cases sa edad nga 16-anyos, kag 21 naman sa edad nga 17-anyos.
Kasunod sang mga insidente, istrikto nga ipatuman sang talatapan ang hugot nga pagbantay sa dalan ilabi na sa pagpatuman sang existing nga road ordinances.
Nagpasalig man ini sang mas masangkad nga kolaborasyon sa counter agencies lakip na ang Iloilo provincial government.
Nagpanugyan man si Araño sa publiko ilabi na sa ginikanan nga bantayan ang ila kabataan nga magmaneho sang salakyan ukon motorsiklo agud malikawan ang maduguon nga insidente sa dalan.
