Patay ang duha ka lola matapos nga wala sila makagwa sa ila nga nasunog nga balay sa Brgy. Manggahan, Gen. Trias City, Cavite.
Ginkilala ang mga biktima amo sanday Arsenia Navat, 80-anyos, isa ka bedridden, kag Leticia Tee, 76-anyos; pareho nga residente sang Metro South, Brgy. Manggahan syudad sang Cavite.
Nabatok gid ang mga lawas sang duha ka tigulang sang sila ang masapwan.
Suno sa report sang pulis, mga alas 3:35 sang kaagahon sang nagsugod ang sunog samtang nagakatulog ang mga biktima.
Wala na sila nakagwa, bangod wala na nakabugtaw kag na-trap sila sa sulod sang ila balay.
Suno kay SFO2 Willy Verdadero, nag-umpisa ang sunog sa terrace sang balay sang mga biktima, kun sa diin ginpahayag nga ang paglupok sang ila ‘electrical outlet’ ang nangin kabangdanan sang paglapta sang kalayo.
Naglawig naman sang kapin duha ka oras ang sunog antes napalong sang mga bombero ang kalayo.
