Nagpangibabaw ang Filipino-American actor-singers nga sanday Nicole Scherzinger kag Darren Criss sa Tony Awards 2025.
Si Nicole nga former lead singer sang pop group nga Pussycat Dolls ang nakadaog sang iya una nga Tony sa iya pagdala kay Norma Desmond sa Andrew Lloyd Webber’s Broadway adaptation sang 1950 film nga “Sunset Blvd.”
Sa awards night sa New York, nagpasalamat si Nicole nga nahatagan sang katumanan ang iya handum bilang isa suno sa iya ka “little Hawaiian Ukranian Filipino girl.”
Magluwas kay Nicole, daog man ang “Sunset Blvd” sang Best Revival of a Musical kag Best Lighting Design in a Musical.
Si Darren naman nga nakilala sa TV musical nga “Glee” ang nakadaog man paagi sa iya performance sa “Maybe Happy Ending.”
Double win ini para kay Criss bangud nga ang “Maybe Happy Ending” amo man ang nakakuha sang Best Musical award. Magluwas sa iya papel sa musical, isa man si Criss sa producers sang show. Nakuha man sang show ang Best Direction of a Musical, Best Book of a Musical, Best Original Score, kag Best Scenic Design.
May isa pa ka Pinoy nga amo si Marco Paguia ang nakadaog man sang Best Orchestrations para sa “Buena Vista Social Club.”
Ang Tony Awards amo ang biggest night sa Broadway nga ginatambungan sang most celebrated artists. Ang pagkilala ginahatag sang American Theatre Wing kag The Broadway League sa tuigan nga seremonya sa Manhattan.
