Ginhingadlan na ang 16 ka mga abogado nga magadepensa kay Vice President Sara Duterte sa impeachment trial.
Suno sa Senate impeachment court, nabaton nila pasado alas singko kahapon sang hapon ang Appearance – Ad Cautelam halin sa Fortun Narvasa & Salazar law firm.
Ang mga abogado nga maga-represent sa bise-presidente amo ang mga masunod:
Philip Sigfried Fortun
Gregorio Narvasa
Sheila Sison
Carlo Joaquin Narvasa
Roberto Batungbacal
Justin Nicol Gular
Lindon Miguel Bacquel
David Ronell Golla VII
Maria Selena Golda Fortun
Claraine Radoc
Francesca Marie Flores
Miguel Carlos Fernandez
Michael Wesley Poa
Reynold Munsayac
Mark Vinluan
Ralph Bodota
Maga-umpisa ang impeachment trial ni Duterte sa idalom na sang 20th Congress.
Nangin sentro sang atensyon ang Senado subong nga Hunyo matapos ini gin-ulan sang mga kritisismo halin sa mga myembro sang Kamara, academe, legal experts kag iban pa matapos nga ginbalik sini ang impeachment case sa House of Representatives antes nagtakop ang 19th Congress sang nagligad nga semana.
Bisan nga nakapanumpa na ang senator-judges, wala gin-umpisahan sang chamber ang impeachment proceedings bangud 18 sang mga senador ang nagboto nga i-remand ang kaso sa House prosecutors para sa dugang nga certification.
Matandaan nga Pebrero 5 sang gin-impeach si Duterte sa Kamara kun sa diin lakip sa nangin basehan amo ang ginaalegar nga mga anomaliya sa paggamit sang confidential funds sa Office of the Vice President kag Department of Education, amo man ang nangin pamahog ni Sara batok kay President Ferdinand Marcos Jr., First Lady Liza Araneta-Marcos, kag House Speaker Ferdinand Martin Romualdez.#
