Nagpanindugan ang Iran nga indi ini maghiwat sang bag-o nga nuclear talks tubtob nga gina-atake ang ila pungsod.
Ginhimo sang Iran ang pahayag matapos nga nagpaandam ang Israeli Defense Minister sa malawig nga inaway sa Islamic Republic.
Antes sini, ginpangabay ni Iran Foreign Minister Abbas Araghchi sa iya pagtambong sa meeting sa European diplomats sa Geneva nga liwat buhion ang diplomatic efforts sa Amerika angot sa nuclear programme sang ila pungsod.
Ginpahayag man sang Iranian official nga bukas sila sa posibilidad sang diplomasiya, apang sa tion lamang nga untaton na sang Israel ang pag-atake.
Gin-athag man sang opisyal sang Iran nga peaceful ang ila nuclear programme kag ang mga pag-atake sang Israel ang naglapas sa international Law.
Sa ulihi nga report sang human rights group sa Iran, naglab-ot na sa 639 ang nagkalamatay sa padayon nga pagbayluhanay sang pag-atake sang tunga sang duha ka pungsod.
