(Warning:Sensitive content)
Arestado sang mga otoridad ang isa ka babaye sa Thailand matapos nga sekreto nga ginkuhaan sang laragway kag video ang pagpakighilawas niya sa mga monghe, agud makakwarta.
Ang suspek amo si “Ms. Golf” nga nagapang-blackmail sa mga monghe nga naka-sex niya, gamit ang ila nga mga video sang ila akto.
Suno sa pulis, posible nga nakakwarta ang babaye sang tubtob sa 385 milyong baht sa nakaligad nga tatlo ka tuig paagi sa pag- blackmail sa mga monghe.
Ginpahayag nga siyam ka mga monghe ang iya naka-sex.
Nakit-an sa balay ni Ms. Golf ang masobra sa 80,000 nga mga pictures kag videos nga gin-gamit niya agud pahugon ang mga monghe.
Ang monghe isa ka lalaki nga miyembro sang relihiyoso nga grupo nga nagapangabuhi sang simple, disiplinado, kag may mga panata nga indi magpangasawa ukon magpakighilawas,kag magsunod sa mga mando sang ila nga komunidad ukon relihiyon.
