Wala na sang kabuhi sang nasapwan ang isa ka 75-anyos nga lola nga gin-anod sang baha matapis nahulog halin sa ila nga naguba nga balay sa kilid sang suba sa Brgy. Gelerang Kawayan, San Pascual, Batangas.
Ang biktima amo si Dolores Cruz, residente sang nasambit nga barangay.
Natabo ang insidente samtang yara sa ila balay ang biktima kaupod ang 65-anyos nga bana kag 14-anyos nga apo.
Hinali lang nalumpag ang perimeter wall sang tupad nila nga compound sang isa ka ceramic factory bangud sa flash flood.
Natumbahan sini ang balay nila kag nahulog sa suba ang mal-am.
Nakaluwas naman ang iya bana kag apo.
