Satisfied ukon kuntento si Mayor Raisa Treñas sa performance ni Presidente Ferdinand “Bongbong” Marcos Jr.
Sa interview sang Bombo Radyo sa alkalde, iya ginpahayag nga madamo na sang naobrahan si Marcos sa iya administrasyon nga nangin rason man nangin masako ang siyudad sa mga ginapadala sang Presidente nga mga proyekto .
Suno kay Treñas, isa na diri ang pagpadala mismo sang Department of Transportation (DOTr) Undersecretary agud makabulig sa traffic kag transportation sang siyudad.
Dugang man ang maayo nga performance sang Department of Social Welfare and Development (DSWD) kun sa diin madasig ang disaster response kag pagbulig sa siyudad.
Pahayag ni Treñas, kun kaisa nagareklamo lang ang iban apang bilang Local Chief Executive, mabatyagan gid niya ang mga plano kag maayo nga binuhatan sang administrasyon.
By: 𝑩𝒐𝒎𝒃𝒐 𝑯𝒂𝒏𝒏𝒂 𝑨𝒏𝒅𝒂𝒔𝒂
