Dismayado ang Catholic Bishops’ Conference of the Philippines (CBCP) sa ginpatigayon nga State of the Nation Address (SONA) ni President Ferdinand “Bongbong” Marcos Jr. matapos wala niya ginsambit ang isyu sang online gambling.
Suno kay Rev. Fr. Jerome Secillano, Executive Secretary sang CBCP Episcopal Commission on Public Affairs, wala nila napamatian ang ginahulat nila nga tikang kag pahayag halin mismo sa presidente nga magahatag sang klaro nga lihok batok sa online gambling.
Dugang pa ni Fr. Secillano, kuntani ginpahamtang sang presidente ang focus sa kampanya kontra online gambling bangud ini ang rason sang kadamo na nga kabataan nga naadik, kag pamilya nga naguba.
Matandaan nga kapila na ka beses nagpanawagan ang CBCP sa gobyerno nga batonon bilang seryoso nga isyu ang online gambling, kag mangin aktibo sa pagpangkontra sini agud maprotektahan ang kabataan kag pamilya Pilipino.
