Patay ang duha ka Japanese fighters inadlaw matapos nagsuprer sang brain injuries kasunod sang ila separado nga hampang sa pareho lang nga card.
Base sa boxing associations kag media reports, Byernes sang nagtaliwan si Shigetoshi Kotari samtang Sabado naman sang ginbawian sang kabuhi si Hiromasa Urakawa.
Pareho sila nga 28-anyos kag pareho man nga naghampang sa Korakuen Hall sa Tokyo sang Agusto 2.
Sandig sa reports, sila nga duha ang pareho man nga ginpaidalom sa operasyon bangud sa subdural hematoma ukon pagdugo sa sulod sang bagol.
Nahibaluan nga si Urakawa ang nalutos sa kamot ni Yoji Saito paagi sa knockout; samtang si Kotari naman ang nagtapos sa draw sa 12-round bout batok kay Yamato Hata.
“We extend our deepest condolences to the families, friends, and the Japanese boxing community during this incredibly difficult time,” kabahin sang statement sang World Boxing Organization. Suno naman sa World Boxing Council, “The WBC and its President, Mauricio Sulaiman, deeply mourn this irreparable loss and wish his family and friends strength during this difficult time.”
