Magatapak na subong nga adlaw ang Filipino boxer nga si Carlo Paalam sa gold medal match sang Asian Games 2026.
Atubangon sini ang Japanese boxer nga si Rui Yamaguchi sa men’s 55-kilogram final 12:15 karon sa udto.
Nakaabante si Paalam sa finals matapos niya malutos sa semifinals ang top-seeded kag reigning world champion nga si Makhmud Sabyrkhan sang Kazakhstan, 3-2.
Ang 28-anyos nga si Paalam ang nakadaog anay sang Olympic silver medal sa Tokyo 2020, apang wala pa siya nakakuha sang Asian Games gold kag may yara lamang siya sang bronze medal sa iya debut sang 2018 sa Jakarta.
Si Yamaguchi naman amo ang 22-anyos nga boxer nga reigning 2026 Asian champion sa 55 kilograms.
Suno kay Association of Boxing Alliances in the Philippines (ABAP) President Marcus Manalo, may height kag reach advantage si Yamaguchi, samtang may experience kag speed advantage naman si Paalam, gani magadepende ang resulta sa kon sin-o ang mas maka-apply sang ila competition plan.
Kun magdaog si Paalam nga amo na lang ang isahanon nga Pinoy boxer sa Asiad subong, ini ang magahatag sa Pilipinas sang una nga Asian Games boxing gold halin sang pagdaog ni Rey Saludar sa 52-kilogram division sang 2010 Guangzhou Games.
