ILOILO CITY — Ang facility sang Department of Social Welfare and Development (DSWD) subong ang temporaryo nga ginatineran sang pila ka miyembro sang Badjao community.
Sa interbyu sang Bombo Radyo kay Retired Police Colonel Uldarico Garbanzos, Head sang Public Safety and Management Office (POSMO), may mga lugar na nga gin-identify ang lokal nga gobyerno kag ang Task Force Badjao agud mangin temporary shelter sang mga indigenous people samtang ginahandum nga mahatagan sila sang permanente nga lugar nga matiniran.
Isa sa mga gin-utilize nga pasilidad amo ang sa DSWD, nga temporaryo nga ginapuy-an sang Badjao samtang ginahulat pa ang dugang nga mga desisyon kag koordinasyon sa mga ahensya sang gobyerno.
Ginpahayag man ni Garbanzos nga padayon ang monitoring kag pagbulig sang Task Force Badjao agud masiguro nga mahatagan sang husto nga serbisyo kag proteksyon ang mga miyembro sang komunidad
