Naplastar na ang schedule agud nga makaatubangay ang mga barangay officials, mga operators kag drivers sang mga motorsiklo kag tricycle, kag ang local government unit agud nga masolusyunan ang problema sa illegal parking sa anum ka mga barangay sa distrito sang Lapuz, Iloilo City.
Sa Septyembre 1 maga-sapol ang operators kaupod ang Iloilo City Traffic and Transportation Management Office; samtang sa Septyembre 4 naman, maga-upod ang Public Order and Safety Management Office (POSMO).
Ang involved nga mga barangay amo ang Alalasan, Aguinaldo, Don Esteban, Divinagracia, McArthur, kag Jalandoni.
Sa interview sang Bombo Radyo kay Punong Barangay Jofel Macapal-Ladiet sang Alalasan, Lapuz, iya ginpahayag nga importante gid nga may makapatunga nga opisina halin sa local government unit bangud indi masarangan sang barangay level ang pag-address sa problema.
Matandaan nga nabukaran liwat ang problema sa illegal parking sa amo nga national road matapos ginbudlayan ang Bureau of Fire Protection (BFP) sang nagresponde sila sa sunog sa Alalasan sang Domingo sang gab-i.
Magluwas nga may naka-park nga mga salakyan sa dalan, may drainage construction pa sa amo nga lugar rason sang pagginutok.#
