Ginkumpirmar ni Iloilo City Councilor Miguel Treñas nga sang tuig 2023, nagdonar ang Iloilo City Government sang 2 ka ektarya nga duta sa Brgy. Buntatala, Leganes, nga subong ginapatindugan sang ongoing project sang Bureau of Jail Management and Penology Office kag Iloilo City District Jail Building.
Ang nasambit nga duta may balor nga 28 milyon pesos.
Sa interview sang Bombo Radyo kay Councilor Miguel Treñas, gindonar nila ang duta bangud nakita nila nga puno na gid ang pasilidad sang BJMP sa syudad.
Suno sa iya, ang commitment sang BJMP amo ang pagtukod sang pasilidad, samtang ang papel sang city government amo lang ang pagbakal sang duta.
Gindugang pa ni Treñas nga wala siya sadto sang impormasyon kun sin-o ang contractor sang proyekto, kag indi siya sigurado kun ini bala may kahilabtanan sa pamilya Discaya nga amo ang Amethyst Horizon Builders and General Contractor, Inc./ JDS
(Reported by Bombo Hanna Andasa via Bombohanay Bigtime)
