Nagapati si anay Ilocos Sur Governor Luis “Chavit” Singson nga dapat anay nga unahon nga pangitaon ni Presidente Ferdinand Marcos, Jr. ang P500 bilyon nga ghost projects bag-o siya kasuhan sang sedition.
Ini ang sabat ni anay Ilocos Sur Governor Luis “Chavit” Singson kasunod sang plano nga pagpasaka sang sedition case sang Department of Justice (DOJ) bangud sa iya nga panawagan nga “revolution” batok sa korapsyon.
Una na ginsiling Undersecretary Atty. Claire Castro sang Presidential Communications Office nga makabig nga desisyon ang panawagan ni Singson nga anti-corruption protests kun sa diin gin-engganyo man sang anay gobernador nga indi anay magsulod sa eskwelahan ang mga estudyante kag a baylo, mag-upod sa protesta.
Apang ginsiling ni Singson, nga dapat atenderon sang presidente ang mga ghost projects nga ginapangunahan sang pamilya Discaya.
