Nagsungka na sa National Bureau of Investigation ang duwa ka mga ginatudlo nga suspek sa pagpatay kay former Philippine Charity Sweepstakes Office Board Secretary Wesley Barayuga.
Suno sa ahensya, una nagsungka sa NBI-Organized Transactional Crime Division si Nelson Mariano sang Septyembre 29 kag ginsundan naman ni PtlCol. Santie Mendoza.
Boluntaryo nga nagsungka duwa matapos magpagwa sang warrant of arrest ang korte batok sa ila.
Matandaan nga patay sang gintiro si Atty. Barayuga sang mga riding-in-tandem suspects sang Hulyo 30, 2020 sa Mandaluyong City.
Sa ginpatigayon nga joint investigation sang Department of Justice, NBI, kag Philippine National Police, naggwa nga ang anay opisyal sang PNP nga si Royina Garma ang sa likod sang krimen base sa panuaron sang mga testigo.
Subong nga adlaw, ginpresentar sang NBI sa pagpanguna ni NBI Dir. Jaime Santiago, ang duwa ka mga suspek.
