Ginbasura sang International Criminal Court (ICC) ang request ni former President Rodrigo Duterte para sa interim release.
Sa desisyon sang ICC Pre-Trial Chamber I, ginpahayag nga importante sa gihapon nga ma-detain ang 80-anyos nga anay presidente sa idalom sang Rome Statute ukon ang treaty nga amo ang nagtukod sang tribunal.
Ginsiling man sang chamber nga may nakit-an nga mga posibilidad sang pagpalagyo, pagpahilabot sa mga testigo kag ebidensya, kag may nakit-an man nga mga risgo nga masulit ang mga krimen nga amo ang gina-akusar sa iya.
“The Chamber finds that Mr Duterte’s detention continues to remain necessary under article 60(2) of the Statute based on each of the requirements set by article 58(1) of the Statute,” kabahin sang dokumento nga ginsapubliko sang korte subong nga adlaw, Oktubre 10.
Matandaan nga sang Marso 11, 2025 sang gindakop si Duterte kag gindala sa ICC detention facility sa The Hague, Netherlands.
Ginapanindugan sang iya defense team nga indi na “fit” para sa trial ang anay presidente bangud sa iya edad. Gina-alegar sang kampo sini nga malipaton na ini kag nagakalipat na mangin sa mga myembro sang iya pamilya.#
