Magaupod sa Dugong Bombo 2025: “A Little Pain, A Life to Gain” ang mga myembro sang Tresmanos Fraternity and Sorority.
Ang commitment sang grupo ang ginpabutyag nanday Yle Talaman, Council President sang Tresmanos Guimaras, kag Leo Padios, Jr., President, Tresmanos Grand Kappan – Alimodian Chapter.
Sa interview sang Bombo Radyo kay Talaman nga naka-upod man sa 2023 nga edisyon sang Dugong Bombo, ginpahayag sini nga prayoridad gid sang ila grupo ang pagserbisyo sa komunidad.
Suno kay Talaman, may yara man sila sang tuigan nga bloodletting event nga nakabutang man sa Philippine Red Cross, apang kun may yara sang imbitasyon, ginakadtuan gid nila ini agud makabulig man sa iban.
Suno naman kay Padios, bisan pa sang kasakuon sang kada myembro, ginahatagan gid nila sang prayoridad ang mga bloodletting activities.
Pahayag sini, mabudlay magpangita sang dugo ilabi na subong nga uso ang mga balatian. Bilidhon kag indi mabayaran suno sa iya, kag nahangpan gid nila kun ano ini ka-importante para sa isig-kapareho.
Ang “Dugong Bombo: A Little Pain, A Life to Gain” amo ang pinakadako nga one-day bloodletting drive sa pungsod.
Dululungan ini nga patigayunon sa Nobyembre 15, 2025, Sabado, sa 25 key areas nationwide, kun sa diin naga-operate sang 32 fully digitalized AM and FM stations sang Bombo Radyo Philippines.
Sa Iloilo area, hiwaton ini sa Iloilo Science and Technology University ukon ISAT-U sa La Paz.#
