Patay ang duha ka tawo matapos naglapaw sa runway kag nagdiretso sa dagat ang isa ka cargo plane nga mahugpa kuntani sa Hong Kong International Airport.
Halin ang Boeing 747 freighter sa Dubai kag nag-abot sa Hong Kong 3:50 kaina sang kaagahon.
Base sa gin-release nga mga laragway, makit-an nga yara na malapit sa seawall ang parte sang lawas sang eroplano.
Suno sa international airport, nakaluwas ang apat ka crew members nga sakay sang aircraft (flight EK9788).
Ang mga napatay, base sa local reports, amo ang duha ka tawo nga yara sa ground vehicle nga naigo sang aircraft.
“[The aircraft had] deviated from the north runway after landing and ditched into the sea,” base sa paathag sang Civil Aviation Department. “Two ground staff were affected and fell into the sea,” suno pa sa department.
Ginsarado anay ang northern runway samtang nagapabilin naman nga bukas kag padayon ang operasyon sa south kag central runways.
Gin-report na ini sang Civil Aviation Department sa Air Accident Investigation Authority nga amo ang magabulig sa pag-imbestigar sa natabo nga insidente.
