Nagsumiter sang letter ang grupo sang TINDIG Pilipinas sa talatapan sang Office of the Ombudsman partikular para kay Ombudsman Jesus Crispin ‘Boying’ Remulla.
Sa letter nga ginpadala sa amo nga opisyal, tinutuyo nga ganyaton ini para aksyunan ukon imbestigaran ang mga alegasyon nga yara sa articles of impeachment nga gin-file batok kay Vice President Sara Duterte.
Matandaan nga wala nadayon ang ginalauman kuntani nga ‘impeachment trial’ kontra sa bise president sang ma-archive ang articles of impeachment.
Bangud sini, nanindugan ang amo nga grupo nga indi dapat pagbay-an ang isyu kag alegasyon nga ginapangatubang ni Duterte.
