Gin-appoint bilang bag-o nga chairperson sang National Commission of Senior Citizens (NCSC) si former Ombudsman Merceditas Gutierrez.
Ini ang ginkumpirmar ni Palace Press Officer Undersecretary Atty. Claire Castro.
Matandaan nga nagserbe anay si Gutierrez bilang myembro sang Board of Trustees sang Government Service Insurance System (GSIS).
Si Gutierrez man ang pinakauna nga babayi nga nagserbe bilang Ombudsman sa pungsod.
Nagserbe siya sa nasambit nga posisyon sa sulod sang lima ka tuig antes siya nag-resign sang Abril 2011.
Nahibaluan nga nag-resign ini antes pa nagsugod ang iya impeachment trial sa Senado.
Ini bangud sa mga alegasyon nga manubo ang conviction rate kag wala niya ginkasuhan ang pila ka mga isyu sang korapsyon.
Lakip sa mga isyu amo ang mga kaso nga ginakaulamiran ni anay Presidente Gloria Macapagal-Arroyo nga amo man ang nag-appoint sa iya bilang Ombudsman sang Disyembre 2005.
